Teaching overload vs quality education

33

Davao City – Nagtoo karon ang Alliance of Concerned Teachers (ACT) Davao City Chapter na ang tinuod nga rason sa paghagsa sa reading comprehension ug pag-ubos sa kalidad sa edukasyon sa Pilipinas itandi sa ubang mga nasud sa kalibutan mao ang ka-busy sa atong mga magtutudlo.

Alang kang ACT Davao Focal Person Reynaldo Pardillo, ang tinuod nga hinungdan kung nganong sa 79 nasud sa kalibutan, kulelat kun na-iwit man ang atong nasud sa mga signatura nga reading comprehension, mathematics ug sciences gumikan sa kapakyas sa mga teachers nga gisangunan sa daghang trabaho.


Matud ni Pardillo, dili na mahatag pa sa mga teachers ang quality teaching sanglit nagtipun-og na man ang ilang mga trabaho.

Gibasol ni Pardillo ang K-12 basic educational program gumikan gipatuman kini ni kanhi Department of Education Secretary Bro. Armin Luistro sa administrasyon ni Pres. Benigno Simeon Aquino III bisan kon wala kini mo-agi og makuting konsultasyon sa hut-ong sa mga magtutudlo sa nasud ug sa mga stakeholders.

Namatikdan nga mas nabug-atan pa ang mga magtutudlo sa ilang trabaho gumikan sa dugang mga responsibilidad ug gimbuhaton ug dugang mga aktibidad nga ilang gisagubang ug ginahimo matag adlaw,segun sa maong opisyal.

Hinoon, adunay reservations si Pardillo sa maong datos hilabi na nga ang mga Pilipino naila man sa tibuok kalibutan nga pinakamaayo ug dunay igong katakos sa English fluency.

RadyoMan Joel Viray

Facebook Comments

From Advertisers