Un negociante desde na Manila el alegaomente ta esta period despues ultimo con este ya mira ya munta na un motorsiclo na Neñez Street del Septiembre 22.
Si John Alexis Linao, 27, ta dueña con el Delijohn Food Cart na Manila ya llega aqui na ciudad junto con canda Manny Munar y Sobejana, 48, de Palali Sablan, Benguet y Rommel Resurrection y Balagtas, 44, de Biñan, Laguna, para man mirahan con Van John Macing de Upper Calarian.
Asegun con Macing del Septiembre 22 alas 11 del era sila man mirahan di Linao pero tiene quien ya puede columbra con este ya munta na motor na Nuñez Street y ya entabla y nohay mas bira na hotel onde le ta esta na Timas Claudio Street.
Asegun con Macing ya dale le cen balor de P2 million con Linao para queda socio na negocio y lo mismo canda Munar y Resurrecion, pero asegun ya acaba na casino si Linao el diila cen.
Ya promote asegun si Linao con canda Munar y Resurrecion ay debolbe le destos cen aqui na ciudad hasta el hora ya sale le perdido.
Maga pulis ta hace ya ahora el embuscada con Linao.
