Patay ang usa ka negosyante og bugas human gidunggab sa liog nga bahin samtang nag-inom.
Ang biktima mao si Leo Mutya Villa Paña, 47 anyos, minyo ug taga Velenzuela St. Barangay Lapasan ning syudad.
Si Villa Paña gidunggab gamit ang rice tester sulod sa Market City, Agora diin nag-inom ang biktima uban ang iyang higala.
Nasayran nga igo lamang unta sa pagbadlong ang biktima sa dihang nakakita og away ang iyang kauban sa inom nga si Rene Calderon Perez apan siya naman hinoon ang gidunggab sa mga suspek.
Sa karon, padayon pang gipangita sa kapulisan ang duha ka suspek nga silang Neckelson Villar, 40 anyos, lumad nga taga Laguna City ug usa ka construction worker ug ang kauban niining 28 anyos nga si Redjay Cabuyaon ug lumad nga taga Gingoog City.
