Davao City – Patay ang usa ka negosyante human gipusil sa wala mailhing suspek nahitabo alas-8:50 sa gabie atubangan sa Japan Surplus shop sa R. Castillo St. Brgy. Leon Garcia, Agdao, siyudad sa Davao.
Sa report gikan sa Sta. Ana PNP naila ang biktima nga si John Arnel Bansale, 47 anyos, residente sa San Roque Calinan ning dakbayan.
Sumala pa sa palakaway na ang biktima kauban sa iyang mga kauban gikan sa maong shop, kalit giduol kini sa wala mailhing suspek dayon pusil ka duha ka higayon tumong sa ulo.
Human sa hitabo ang suspek daling misibat sakay sa usa ka single motorsiklo nga gidrayban sa laing lalaki nga kauban sa suspetsado padulong sa dalan sa R. Castillo, Agdao, ning siyudad.
Narekober sa SOCO Team ang duha ka fired bullets, usa ka basiyo sa .45 kalibre pistola lakip nakompiska ang usa ka black coin purse ug duha ka pakete sa gituohang shabu.
Sa imbestigasyon sa kapolisan migula nga ang biktima nalambigit sa Rigen Marketing nga nag-operate didto sa dakbayan sa Tagum.
Ang patay’ng lawas anaa gidala sa St. Peter Funeral Homes ning siyudad samtang ang kapolisan naglusad og lawom nga imbestigasyon kun unsay motibo sa pagposil sa biktima.
RadyoMaN Don Pulayao
