Pagadian City – Patay human gipusil ang usa ka negosyante sa riding in tandem didtong dapita sa Alano Street atubangan sa karaang Mosque sa Santiago, Purok African Daisy, Brgy. Santiago, Pagadian City alas 12:59 sa hapon kagahapong adlawa.
Giila sa mga personahi sa Pagadian City Police Station ang biktima nga si Mohidin Salih Anda nga naila sa angga “Edit”, 53-anyos, minyo og residente sa Purok Santan B, San Jose sa sakop ning syudad.
Sumala pa sa investigation nga gipahigayon sa mga kapulisan padulong kining biktima sa mosque sa dihang kini ang gipusil sa wala pa mailang mga suspetsado.
Nakahiagom ang biktima og igo sa luyo nga bahin sa ulo niini nga maoy hinungdan sa iyang hinanaling kamatayon. Nakuha sa crime scene ang usa ka book basyo og usa ka bala sa gituhuang calebre 45 nga pistola.
Human sa nahisgutang pagpamusil dali nga misibat ang mga suspetsado sakay sa usa ka MC MIO nga kolor itom padulong ngadto sa Pulmunes Street, Brgy. Santiago, sakop ning syudad.
Lakip sa naigo sa nahisgutang bala ang atubangan nga bahin sa nakaparking nga Toyota Avanza. Padayon pa nga gitino sa kapulisan ang motibo sa kremin.
