Davao City- Blangko pa ang kapulisan sa motibo sa pagpusil-patay sa usa ka negosyante sa Brgy. Cogon, Digos City, Davao del Sur.
Sa interbyu sa RMN Davao kang Digos City Police Investigation Section chief Police Executive Master Sergeant (PEMS) Jonathan Flores, gikoordinar na sa kapulisan karon ang pamilya sa biktimang si Arman Mangubat, 53 anyos, ug taga-Purok Molave, Pob. Malalag, Davao del Sur aron makakuha sila’g lead sa nagpadayong imbestigasyon.
Segun ni Flores, duha ka mga suspek ang padayong gina-identify kinsa mipusil sa biktima.
Nakahiagom og duha ka mga samad pinusilan sa ulo ang biktima hinungdan sa hinanaling kamatayon niini .
Nangalap usab ang kapulisan og mga nakasaksi sa insidente aron sa pag-identify sa mga suspek sa pagpusil patay sa negosyante.
RadyoMaN Aimee Guinita
