Dakpan ang usa ka chairman sa Civilian Volunteer Organization (CVO), barangay Kagawad ug negosyante human nakuhaan ug mga ihalas nga armas ug bala sa gikasa nga operasyon sa Criminal Investigation and Detection Group (CIDG).
Didto sa Purok 8, brgy. Aurora, Prosperidad, AGusan del Sur arestado si Ruel Saladaga Jugasan human nakuhaan ug usa ka Carbine rifle, usa ka .45 nga pistol uban ang magazine ug mga bala pinasikad sa search warrant nga giisyu sa korte.
Bandang alas 6 ang takna sa hapon, didto sa P1 sa susamang barangay nadakpan usab ang usa ka barangay Kagawad nga si Erick Coronel Valles human nakuhaan ug kalibre 9mm nga pistolam, .45 nga pistol uban sa mga magazine ug buhing bala.
Bolontaryu usab nga gitahan ni Roger Mancao, chairman sa CVO ang iyang gikuptan nga shotgun uban sa mga buhin bala ngadto sa otoridad.
Sa Purok 2 sa susamang lugar, usa ka negosyanti nga si Edaurdo Canesares Crodua ang nakuhaan usab ug duha ka kalibre .45 nga pistol uban ang mga buhing bala.
Ang mga nadakpan mag-atubang ug kasong paglapas sa RA 10591 kon Comprehensive Law on Firearms and Ammunization.
Gipangunahan sa CIDG Caraga ang nasangpit nga operasyon.
