Davao City – Patay ang usa ka negosyante human nga naanod sa kusog nga baha sa Barangay Kanapulo, Magsaysay, Davao del Sur, niadtong Septyembre 15, 2025.
Matud pa sa pakighinabi sa DXDC RMN Davao sa MDRRMO Magsaysay, gikumpirma ang insidente diin nakaplagan ang maong lalaki nga wala nay kinabuhi human maanod sa baha.
Base sa nakalap nga impormasyon, ang biktima mao ang usa ka 55-anyos nga negosyante nga residente sa Barangay Kisante, Makilala, Cotabato.
Nasayran nga nakasinati ug kusog nga ulan ang lungsod sa Magsaysay nga miresulta sa pagbaha sa mga creek ug kasapaan sa maong lugar.
Gibutyag usab nga tungod sa kakusog sa pagbaha, niabot sa orange rainfall warning level ang tubig. Maayo na lang ug adunay mga dike ang lugar, ilabi na sa poblacion, nga nakapugong sa mas grabe pa unta nga pagbaha.
RadyoMaN Bien Abanos
Facebook Comments
