Davao City – Gipakusgan karon sa Davao City Police Office ug Task Force Davao ang nagkadaiyang checkpoint sa syudad aron masiguro nga walay makalusot nga bisan unsang kontrabando.
Base sa impormasyon sa Calinan Police Station, alas 9:50 sa gabii, Setyembre 20, 2025, nadakpan sa usa ka hiniusang checkpoint ang usa ka negosyante nga nagdala og gituohang drug paraphernalia may kalabotan sa illegal nga droga.
Ang suspek giila nga si Alyas Jun, 45 anyos, residente sa Bago Aplaya, Davao City. Siya gidakop human makit-an sa sakyanang iyang gimaneho ang mga drug paraphernalia samtang miagi sa Lacson, Calinan Checkpoint.
Tungod sa mga ebidensiyang nakuha gikan sa posisyon sa suspek, gipasakaan siya og kaso sa paglapas sa RA 9165 o Comprehensive Dangerous Drugs Act of 2002.
RadyoMaN Bien Abanos
Facebook Comments
