Gawasnon na sa balay bilangguan ang usa ka negosyante human kini naka pyansa kagahapong adlawa didto sa Regional trial Court Br. 28 Liloy, ZDN didto mismo sa lamesa ni Judge. Rogelio D. Laquihon kini ang gibutyag sa imbistigador nga si PO2 Dennis Alvin Piala.
Kahinumduman nasikop kini human miresponde ang kapulisan sa Liloy sa dihang nakadawat ug taho nga adunay usa ka negosyante nga si Desederio Pasinabo Sabandal nag luklok ug armas sa iyang kilid sulod sa mismo sa Play Station KTV Bar didto sa may brgy. Fatima, Liloy, ZDN
Dugang niini sa dihang giduol kini sa pulis misulay pa unta kini ug bunot sa iyang armas apan pugsanon kining giilog sa pulis. Nakuha sa iyang posisyon ang usa ka Para ordinance Caliber .45 nagtagag sa SN 974502 ug usa ka magazine adunay pito ka mga buhing bala ug walay legal nga mga dokumento nga ikapakita hinungdan nga dali kini siyang gisikop.
kasong RA 10591 “COMPREHENSIVE FIREARMS AND AMMUNITION REGULATION ACT” ang gipasaka kaniya.
Mokabat sa 80mil ang pyansa nga gilagak ni Sabandal ngadto sa korte bugti sa iyang temporaryong kagawasan.
