General Santos City — Gisikop sa mga otoridad ang usa ka negosyante human nga gireklamo sa usa ka promo sa ilimnon nga nangumot ug sampot tungod sa tumang kahubog.
Ang suspek naila sa pangalan nga usa ka Elmer Buenoventura, 48 anyos nga taga Cabe Subdivision Barangay Lagao ning dakbayan ug tag-iya sa usa ka lodge ning syudad.
Sumala sa biktima nga si Alyas Joy, kasamtangan silang ga-pahigayon ug sampling sa usa ka produkto nga ilimnon, sulod sa usa ka bar, sa dihang kalit lamang matud pang gikumot sa suspek ang iyahang sampot. Duha matud pa silang gibastos sa negosyante, apan sya lamang ang mireklamo sa kapulisan.
Paspas usab nga miresponde ang kapulisan ngadto sa maong bar, ug dinhi wala na makapalag pa ang suspek ug karon balhug na sa selda sa kapulisan. Hugtanon usab nga gipanghimakak sa negosyante ang tanang alegasyon sa biktima batok kaniya..
