Giangkon sa Philippine Drug Enforcement Agency-7 nga sa niaging tuig pa nila gimonitor ug giimbistigahan ang negosyante nga si Kenneth Dong .
Matud ni PDEA-7 Regional Director Yogi Filemon Ruiz giisip nila si Dong nga usa ka “person of interest” human nakadawat ug impormasyon bahin sa posibling kalambigitan niini sa negosyo sa drugas .
Apan matud ni Ruiz wa silay nahipos nga ebidensiya batok ni Dong hangtud nga nanganlan kini sa imbistigasyon sa senado bahin sa drug smuggling issue sa Bureau of Customs .
Tungod niini si Ruiz namahayag nga banhawon nila ang ilang pakisusi labot sa mga negosyo ni Dong dinhi sa Sugbu .
Facebook Comments
