Dinas, Zamboanga del Sur – Kasong paglapas sa “Customs Modernization and Tariff Act (CMTA)”, violation sa Section 260 sa National Internal Revenue Code of 1997 ug intellectual property ang ipasaka sa otoridad ngadto sa negosyante nga nagpadagan sa operasyon sa pabrika sa pekeng sigarilyo sa Brgy. Don Jose sa sakop sa lungsod sa Dinas niining probinsya.
Kini ang gibutyag ni Atty. Moises Tamayo, (NBI-9) regional director, atol sa interview sa RMN-DXPR Pagadian human sa gihimong inbentaryo.
Nasayran gi-implementar sa National Bureau of Investigation ( NBI-9), Bureau of Customs, Bureau of Internal Revenue, Zamboanga del Sur Police Provincial Office, 2nd MC Regional Mobile Force Battalion-9 ang Letter of Authority (LOA) aron pagsulod compound nga gipanag-iyahan ni Alex Chua.
Ang Caretaker sa pabrika nga si Junie Hinugin ang naabtan sa otoridad samtang apil usab nga nisaksi sa pagronda si Mayor Eleazar Asoy, Municipal Mayor sa Dinas; ug Levi Asoy, ang Chairman sa maong Barangay.
Nakita sa sulod nga bahin sa himoanan og pekeng sigarilyo ang tulo ka makina ug pinauga ng dahon sa tobacco ug mga karton sa himoong label sa sigarilyo.
Nasayran nga maong lugar kanhing galingan apan gipalit sa negosyante nga si Chua aron himoong bodega sa agar-agar apan gihimong gam-anan sa pekeng sigarilyo.
