*Santiago City, Isabela –* Arestado ang isang negosyante matapos magsagawa ng buy bust operation ang pinagsanib pwersang PNP Santiago station 1 at PDEA Region 2 sa Purok 2, Mabini, Santiago City.
Kinilala ang suspek na si Edwin Miguel, limampu’t syam na taong gulang, may asawa at residente ng Malvar Santiago City.
Batay sa impormasyong natanggap ng RMN Cauayan, huli sa aktong pagbebeta ng ilegal na droga ang suspek matapos nitong bentahan ang isang pulis na nagpanggap bilang poseur buyer.
Narekober mula sa pag-iingat ng suspek ang isang pakete na pinaghihinalaang shabu at limang daang piso na ginamit bilang buy bust money.
Samantala, nasa kustodiya na ng PNP Santiago Station 1 si Miguel na nahaharap naman sa kasong paglabag sa Republic Act 9165 o Comprehensive Dangerous Act.
