Naaresto sa mga kapulisan ang usa ka negosyante kinsa dunay paglapas sa balaud sa Social Security atol sa operasyong gilusad pasado ala 1 sa hapon adtong Lunes, didto sa Lower Sosohon Poblacion, Tankulan, Manolo Fortich, Bukidnon.
Ang nadakpang negosyante gikatahong 45 anyos, minyo, negosyante, ug residente sa Zone-18, Barangay Damilag, sa maong lungsod.
Gisikop sa mga kapulisan ang maong negosyante pinaagi sa gahom sa warrant of arrest sa paglapas sa RA 11199 o ang Social Security Act of 2018 nga gipakanaug gikan sa korte pinitsahan Oktubre 12, 2023 ug adunay girekomendang piyansa nga mukabat sa P10,000.00 alang sa temporaryong kagawasan.
Gikustodiya ang akusado karon sa Manolo Fortich Municipal Police Station alang sa tokmang disposasyon.
Facebook Comments
