GENERAL SANTOS CITY – Nadakpan sa kapolisan ang babayeng negosyante gitago sa pangalang Linda 58 anyos nagpuyo sa Rogan Subdivision Barangay City Heights human gi-serve ang arrest warrant sa kasong estafa.
Bitbit sa warrant officer sa San Isidro Police Station kauban ang CMFC personnel ang warrant of arrest sa nasangpit pirmado ni Judge Lorna Santiago-Avila sa RTC Branch 36 pinetsahang Agosto 31 2016.
Nasikop ang babayeng negosyante sa may Mabuhay Road bandang udto sa nakalabayng adlaw.
Apan pagkahapon samang adlaw nagpyansa sa iyang kaso ang ginang sa kantidad nga 18 mil pesos og dayong nagpagawas sa release order ang sa-la ni Judge Catherine Velasco.
Nakaangkon sa temporaryong kagawasan ang negosyanteng suspek samtang gitakda ang arraignment sa iyang kaso alang sa padayong pagdungog sa korte.
