Davao City- Gikumpirmar sa mga silingan ni Manuel Maninggo, biktima sa pagpamusil sa Barangay Talandang Tugbok District Davao City nga ilang nabati ang mga armadong lalake nga nagdungan sa pagsyagit nga “MABUHAY ANG CPP NPA”.
Gumikan sa testimonya sa mga testigo, gitumbok karon sa Tugbok PNP nga mga rebelde ang nagpusil patay kang Maninggo alas kuatro y medya sa kaadlawon didto mismo sa ilang pinuy-anan.
Gidugang sa mga silingan sa pamilyang Maninggo nga ilang nakita ang kinse ka mga armado nga miatake sa panimalay sa biktima dayong sibat padulong sa Barangay Pangyan.
Mga armado daling misakay sa lima ka motorsiklo human makuha ang .38 kalibre nga pistula sa biktima.
Hayaon ang patay nga lawas sa biktima sa St. Peter Calinan syudad sa Davao.
Kasamang Erin Lumosbog
