Negros Occidental wala sang kaso sang redtide suno sa BFAR

9

Wala sang kaso sang redtide sa baybayon sang probinsya base sa confirmation ni Bureau of Fisheries and Aquatic Resources (BFAR) Negros Occidental Head, Marian Jill Sajo-Abeto.

Suno kay Abeto, wala nalakip ang Negros Occidental sa ginpagwa nga shellfish advisory nga may ride tide sa probinsya.


Madumduman nga sa Shellfish Bulletin No. 03 nga ginpagwa as of February 8, 2021 angut sa laboratory sang BFAR sa mga nakuha sa coastal waters, positibo sa paralytic shellfish poison ang nakolekta nga shellfish.

Apang, ginsiling ni Abeto nga safe naman ang baybayon sang Negros Occidental kag wala sang dapat kabalak-an ang pumuluyo. Iya ginsiling nga safe kaunon ang mga shellfish lakip na ang isda, pasayan kag kasag basta tinluan gid lamang sang ensakto antes nga lutuon kag kaunon.

Samtang ang mga baybayon gid lamang nga nadala sa advisory amo ang sa nasakupan sang Sorsogon, Bohol, Palawan, Siaton sa Negros Oriental, Daram Island.

Subong man ang baybayon sa Zamboanga del Sur, Western Samar, Leyte, Tacloban, Biliran Islands, Eastern Samar, Davao Oriental kag Surigao del Sur.




[image: image.png]

Facebook Comments