General Santos City—Padayon ang gihimong imbistigasyon sa Police Station 2 kalabutan sa nahitabong pagpamusil sa wala pa mailhing suspek ngadto sa negusyanteng giilang si Helson Dalisay, legal age, residenti sa Purok San Roque, Barangay Labangal, Gensan alas 8:30 ang takna sa gabie.
Nasayran nga sakay ang biktima sa iyang motorsiklo uban sa iyang kapuyo, pag abot sa National Highway nga sakop sa Purok San Roque, kalit lang matud pa kining gitaparan sa suspek nga nakamotorsiklo dayon gipusil pila ka higayon.
Human sa pagpamusil paspas nga misibat ang mga suspek sa wala sayring lugar, samtang ang biktima gidala gilayon sa Mindanao Medical Center human nga nakaangkon ug samad sa iyang ulo nga bahin apan pipila ka oras ang nakalabay, nakabsan kini sa iyang kinabuhi.
Sa karon naghimo nag makuting imbistigasyon ang kapulisan kalabutan sa maong insidenti.
