Police Station 5, may person of Interest na sa pagpamusil sa 58 anyos nga ginang

General Santos City–Nagpadayon pa ang gihimong imbistigasyon sa Police Station 5 kalabutan sa pagpamusil sa usa ka ginang nga si Luz Purazo, 58 anyos nga taga Purok Cahilsot, Barangay Calumpang, Gensan kansa gipusil likod nga bahin sa Romana Elementary School alas 6:00 pasado sa buntag kagahapong adlawa.

Sumala ni Police Sr. Inspector Lemuel Enrijo padayon pa sa kasamtangan ang ilang pakig-alayon ngadto sa pamilya sa biktima bahin sa insidenti.

Giangkon hinuon sa opisyal nga aduna na silay person of interest sa maong krimen.


Gibutyag ni PSI Enrijo nga ang umagad sa biktima nga si Jefan Candado maoy nag-unang suspek sa krimen.

Nasayran nga una nang gipasakaan ug kaso sa biktimang si Luz Purazo ang iyang umagad human matud pang gi-among amongan niini ang iyang kaugalingong anak.

Nasayran nga warrant of arrest nalang unta ang gihuwat sa kapulisan aron nga sikopon ang suspek. niadtong nakalabayng adlaw, subli kining gireklamo sa biktima ngadto sa buhatan sa Police Station 5 human nga nag-maoy apan nakagawas human nga nakapyansa.

Facebook Comments