General Santos City—Patay ang usa ka negusyante ug isda human kining gipusil patay sa wala mailhing suspetsado alas 11:00 ang takna kagabie sa may block-12, Gensan Vill, Barangay Bula, General Santos City.
Ang biktima nailhang si Danilo Pahamutang, 26 anyos, residenti sa Block 17, Phase 2, Gensan vill, Barangay Bula.
Gipusil ang biktima sa duha ka mga tawong nakamotorsiklo upat ka higayon samtang kini nagbaktas uban sa iyang anak.
Nasayran nga 2 ka samad sa ulo samtang 2 usab sa iyang lawas ang naangkon sa biktima nga hinungdan sa iyang kamatayon.
Paspas usab nga misibat ang mga suspek human sa insidenti. Sa karon padayon ang gihimong imbistigasyon kalabutan sa insidenti.
Facebook Comments
