Suportado sang local government unit sang Koronadal, Brgy. opisyal kag mga ginikanan ang patigayunon nga pilot testing sang limited face to face classes sa Nelmida Elementary School sa Nobyembre 15 subong nga tuig. Suno kay Koronadal City Schools Division Supt. Crispin Soliven handa na ang eskwelahan sa pilot testing tungod nabisitahan na ni Dep. Ed. 12 Regional Director Carlito Rocafort kag nakapatigayon naman sang dry run. Padayon man suno kay Sir Soliven ang paghatag sang technical assistance sang Koronadal City Division Office sa eskwelahan. Pahayag ni Sir Soliven nga wala sang ibutang nga barriers sa sulod sang classrooms tungod maayo ang bentilasyon kundi strikto lang nga ipatuman ang health protocols kapareho sa pagsuksok sang facemask, faceshield, social distancing kag iban pa. Samtang halin kinder tubtob grade 3 pa lang ang ipatigayon nga pilot testing sang limited face to face classes sa nasambit nga eskwelahan. May ginplastar naman sunp nga iskedyul agud mapatuman ang social distancing nga yara lang sa 10 tubtob 15 ka mga kabataan sa sulod sang classroom.
