Atol sa 2024 Year-Starter Press Conference on the 2023 Davao Region Socio-Economic Performance and 2024 Development Outlook, gibutyag ni National Economic and Development Authority (NEDA) XI Regional Director Maria Lourdes Lim nga kasamtangang giundang usa ang implementasyon sa maong proyekto tungod sa Right of Way (ROW) acquisition issue sa Davao City nga gikalambigitan sa 2-3 parcels sa yuta.
Subay niini, komento pa ni Jayson Magna nga ‘pangarap nalang ba’ tungod ang mga nahitabo giingong ‘anti-development’.
Dugang pa ni Jester Dante nga basin mao na kini ang epekto sa rally ug wa na matud pay igong rason nga magpuyo pa sa Pilipinas tungod ang mga lideres puro personal interest ray giapas.
Gituki usab ang mga nag-unang proyektong tutokan karon sa Davao Region sama sa Mindanao Railway Project Tagum-Davao-Digos Segment, Davao City Bypass Construction Project, Davao Public Transportation Modernization Project, Davao International Airport Authority, ug Sasa Port Modernization.
RadyoMaN Ivy Parido
