Davao City – Hugot nga seguridad ang ipatuman sa Davao City Police Office (DCPO) alang sa selebrasyon sa Chinese New Year “Kung Hei Fat Choi” karong Sabado February 10, 2024.
Sa pakighinabi sa DXDC RMN Davao kang Police Captain Hazel Tuazon, Tigpamaba sa DCPO gisulti niya, aduna nay security plan alang niini apan ginaplastar pa.
Gipasabot sa opisyal, aduna nay mga personahe gikan sa DCPO ang andam na nga i-deploy nga mobantay sa maong aktibidad, apan gi-finalize pa ang gidaghanon niini.
Subling nagpahimangno ang opisyal sa mga Dabaweños, mosunod sa mga palisiya nga ipatuman ilabi na kung adunay mamatikdan nga kadudahang individual o butang daling i-report ngadto sa kapulisan.
“Naa tay mga upcoming activities,naa pod tay Chinese New Year i-finalize pa nato ang security plan”, sulti ni Tuazon.
RadyoMaN Don Pulayao
Facebook Comments
