New COVID variant sa Davao City ginasuta pa

29

Davao City – Wala pay kumpirmasyon nga nadawat ang health officials gikan sa Philippine Genome Center sa Quezon City, Metro Manila kung nakasulod na ba ang new COVID-19 variant sa Davao City.

Sa interbyu sa RMN Davao kang Dr. Ashley Lopez, focal person sa Davao City Health COVID-19, gisumite na ang mga specimen sa mga nagpositibong mga pasyente sa COVID-19 karong Enero ngadto sa Philippine Genome Center aron kini ma-examine.


“Nakapadala na ta og sample sa mga nag-positive karong Enero didto sa Philippine Genome Center so that ma-estudyuhan ug ma-determine kung naa ba tay possible nga new variant nga nakasulod sa Davao because of the rising cases,” sumala ni Lopez.

Sa kasamtangan, ang padayong pagtaas sa kaso sa Davao tungod kini sa holiday surge matud ni Lopez.

Samtang taliwala sa pagtaas sa kaso, taas usab ang recovery rate sa Davao nga anaa sa 82% sa kapin 10,000 ka mga pasyenteng natakbutan sa COVID-19 sukad niadtong Marso.

RadyoMaN Aimee Guinita




Facebook Comments