Davao City – Nagsumite na og specimen ang Davao health officials didto sa Philippine Genome Center aron masuta og nakasulod na ba ang bag-ong COVID variant sa syudad.
Apan sa pakighinabi sa DXDC RMN Davao kang Dra. Marie Yvette Barez, Infection Control and Prevention Unit chair sa Southern Philippines Medical Center (SPMC), gibutyag niini nga wala pay na-detect nga new COVID variant sa syudad.
Saysay niini nga mahibaloan kini og adunay feedback ang nasangpit nga center base sa ilang gisumite nga specimen.
”So far diri sa Davao, wala pa may nakit-an (UK COVID variant) because ang gihimo namo, last January nga specimen gipadala sa Philippine Genome Center and so far wala pay report nga nakasulod sa ato,” sulti ni Dr. Barez.
Samtang, padayong pahinumdom sa health expert nga bisan og mabakunahan na sa COVID vaccine ang uban, dili angay nga wad-on ang Minimum Health Standards batok COVID-19 gumikan dili sabay-sabay ang pagbakuna sa mga Pinoy.
RadyoMaN Renz Barbarona
