PHIVOLCS 10, gihupay ang kabalaka sa publiko human natala ang 4.1 magnitude nga linog sa Malaybalay kagahapon!

32

Gihupay sa Philippine Institute of Volcanology and Seismology kon PHIVOLCS Region 10 ang kabalaka sa publiko human nga natala ang 4.1 magnitude nga linog kagahapon sa hapon dinhi sa siyudad sa Malaybalay.

Sa interview sa RMN Malaybalay ngadto kang PHIVOLCS 10 Regional Director Marcial Labininay, gibutyag niini nga alas 3:44 sa hapon kagahapon, natala ang 4.1 magnitude nga linog sa sidlakan sa Malaybalay nga adunay gilawmon nga 15 kilometros.


Matud ni Labininay nga tectotnic in origin ang hinungdan sa mao nga linog nga nagmugna ug intensity number 3 sa Malaybalay, intensity 2 sa Cabanglasan ug Impasug-ong, Bukidnon.

Gidugang ninii nga nasundan na usab kini alas 6 kagabie ug ala 1 kaganehang kadlawon apan mga hinay lamang kini.

Kinahanglan lang matud pa nga preparado ang tanan kanunay aron walay kinabuhing makalas.

Gipasabot pa niini nga normal lang ang linog tungod kay adunay mga fault line/earthquake generator dinhi ug ang Pilipinas usa ka earthquake prone nga lugar.




Facebook Comments