Davao City – Fast tracking sa Public Utility Vehicle (PUV) Modernization Program ug hingpit nga pagbatok sa mga colorum nga sakyanan.
Kini ang pipila lamang sa tutukan karon sa bag-ong na-instalar nga Regional Director sa Land Transportation Office (LTFRB) 11 nga si Atty. Armand Dioso diin subay usab sa mando ni Presidente Rodrigo Duterte.
Sa interbyu sa Davao media kang Dioso, gikanayon niini nga makig koordinar kini sa mga hingtungdang mga ahensya aron mawagtang na ang mga colorum nga mga sakyanan sanglit nakasalalay sa dinhi ang mga kinabuhi sa riding public.
Gibutyag niini nga gimanduan na usab kini daan ni LTFRB Chairman Atty. Martin Delgra III nga solusyonan ang miulbong problema atol sa stakeholder’s meeting labot sa pagkalehitimo sa pipila ka mga transport service nga iligal nga operate sa Calinan area.
“Every month we submit 8 new possible routes for approval but it will depend among several office if that would be granted then after that we will be launching that routes for another franchise,” segun niini.
Dugang ni Dioso nga isip bag-o sa posisyon, paningkamutan niini nga mapamilyar sa mga sa operasyon sa LTFRB sanglit nanerbisyo kini isip Prosecutor sa pito ka mga Trial Courts sa Davao Oriental una mapili sa maong posisyon.
Isip bag-ong Regional Director, gi-awhag niini ang mga operators ug stakeholders nga makigkoordinar kanila ug motuman gayud sa mga balaud ilabi na sa transportasyon gumikan alang ra usab kini sa kaayuhan sa katawhan.
RadyoMaN Jason Amisola
