Davao City- Gisugyot karon sa mga awtoridad nga mas i-secure pa sa Task Force Davao (TFD) ang Sasa Wharf ug Davao International Airport diin nakasinati na kini nga pasilidades sa terroristic attacks kaniadto.
Matud ni Task Force Davao Commander Col. Consolito Yecla, nihangyo sila sa City Peace and Order Council (CPOC) nga madugang ang duha ka iladong city structures nga ipailawom sa usaka expanded maximum security zone dinhi sa Davao.
Dugang ni Yecla, girekomendar usab sa security sector ang posibleng pagpatuman sa ‘No ID, No Entry’ policy o hugot nga pag-inspeksyon partikular na sa kaduda-dudahang mga indibidwal.
Gitataw ni Yecla nga nagkadaiyang measures ang ilang gi-implementar karon diha sa mga areas nga unang gideklarang ‘Maximum Security Zone’ diin lakip ang San Pedro Square ug Roxas Night Market sa pagsegurong walay mga dautang elementong makalusot ug muhimo’g dautan dinhi sa syudad.
RadyoMan Aimee Guinita
