Davao City – Adunay nagkalain-laing pamaagi nga giplastar karon ang Department of Education (DepEd) diha sa porma sa pag-eskwela sama sa pag-abli sa klase karong August 24 taliwala sa hulga sa COVID-19.
Matud ni Davao City Mayor Sara Duterte-Carpio, ipa-implementar nila ang online, offline ug home schooling program aron masugdan sa mga estudyante ang ilang schoolyear .
Gitataw sa mayor nga sa pagsugod sa klase, ang mga estudyante dili na kinahanglang moadto pa sa ilang mga eskwelahan kon dili, diha na lamang sa ilang tagsa-tagsa ka mga panimalay.
“Bawal ang face-to-face classes and bawal ang pag adto sa mga batang learners ingon man sa mga tunghaan og unibersidad. Mag open ang school meaning, mag start ang klase diha sa balay,” dugang sa city chief executive.
Sumala sa alkalde nga sa mga walay internet, naay offline, naay home schooling modules ug learning modules ang ihatag alang sa mga lagyong barangay.
Gibutyag sa mayor nga nakadawat na siya’g sulat gikan sa usa ka private school ug dakong unibersidad nga mag-abli na gayud ang klase sa dili madugay.
RadyoMaN Aimee Guinita
