Davao City – Gisugyot ni Davao City Vice Mayor Sebastian Duterte nga mas maayong magsugod una sa usa ka distrito ang madugang sa syudad inay tulo.
Matud sa bise mayor nga kung gikinahanglan man nga magdugang og distrito sa syudad suportado niya kini.
Sumala niini nga kini aron mas ‘manageable’ unya ang pagdumala sa bag-ong distrito-pulitikal sa panahon nga ma-establisar na unya kini kun itandi sa tulo ka setup nga mas lisod dumalahon.
“Ang iyaha mang naingon mura’g tulo so mahimo ng 6 districts diba, magsugod siguro ta sa usa para mas more manageable ba. Wala may problema kung magdungag ta’g distrito if kinahanglan gyod nato kay since dako man kaayo ang Davao unya nagkadaghan ang mga tao,” matud niini.
Kahinumduman nga gilaraw ni 2nd District Councilor Danilo Dayanghirang nga magdugang og tulo ka distrito sa syudad aron ma apod-apod gayod og sakto ang mga proyekto ug programa para sa mga katawhan.
RadyoMaN Aimee Guinita
