Davao City- Nagpahimangno ang bag-ong labaw sa Regional Internal Affairs Service (RIAS-XI) Police Col. Oscar Nantes sa kapulisan sa Davao Region nga i-exercise ang maximun tolerance sa mga violators sa quarantine.
Segun ni Nantes, kasohan ug dili pahamtanganan sa harsh punishments ang mga malapason aron masegurong dili makalapas ang mga pulis sa tawhanong katungod.
“Alam ng ating mga pulis na bawal manakit ng mga nahuhuli natin, may mga ordinances tayo may mga protocols tayo, kasuhan nalang no need na saktan (ang mga violators),”
Matud niini mamahimong makasohan ang mga pulis kung makalapas usab sa ilang ginasunod nga direktiba sa PNP. Gipanganti ni Nantes, mamahimong patas ang RIAS XI sa inbestigasyon kung adunay reklamo batok sa mga pulis ug sibilyan.
Giawhag niini ang giingong mga alegasyong gipangsilotan sa mga pulis sa pagdangop sa ilang buhatan aron kini mainbestigahan. Matud ni Nantes, ilawom sa iyang lederato seryoso usab niyang ipatuman ang mando ni newly-installed Philippine National Police (PNP) Chief Police General Guillermo Eleazar sa internal cleansing diha sa han-ay sa kapolisan.
RadyoMaN Aimee Guinita
