Ang pagselebrar sa bag ong tuig 2022 giubanan kini ug daghang mga tinuhuan nga diin atoa pang napanunud sa atong mga katigulangan.
Usa sa mga dili gayud mawala nga tinuhuan matag media noche ang pagbutang og mga lignin nga prutas sa talad kan-anan lakip na ang paglukso inig untop sa alas dose diin magbulag na ang tuig 2021 ug 2022.
Si Mrs. Beth Nuñez, iya nang nabatasan kauban sa iyang banay ang pagkumpleto sa paresan sa lingin nga prutas kay alang kaniya wala man kunoy mawala kun ato lang tumanon ang tradisyon nga pag pasulod og swerte ug panalangin sa panimalay.
Apan matud ni Fr. Bong Templa, kura-paruko sa lungsod sa Kiblawan Archdiocese nga wala sa mga tinuhuan ang pag kab-ot og grasya ingun man panalangin wala sa mga butang kun dili mag depende kini sa atong binuhatan kalakip na ang atong relasyon diha sa Gino-o.
Gidugang ni Fr. Templa nga dili pud nato mamahay ang uban nga mituman sa tinuhuan kay basin pud sa ingun nga pamaagi aduna pod sila’y grasya’g panalangin na naangkon.
RadyoMaN Erin Lumosbog
