New Year videoke sabton

15

Davao City – Aron mahatagan og taas nga espasyo sa hudyaka ug paglipay ang katawhan magpatuman og tolerance sa videoke ang Barangay Lasang Council sa bisperas sa Bag-ong Tuig, adlaw’ng Martes sa gabii, Disyembre 31, 2018.

Maglungtad ang tolerance sa videoke hangtud sa Miyerkules lawom sa kagabhion Enero 1, 2019 kini aron dili maputol ug masanta ang pagsadya sa katawhan sa pagsugat sa Bag-ong Tuig.

Kausa lang muagi sa tibuok tuig ang Bag-ong Tuig busa mas maayo dili pawngon ang magsige nga kalipay ug sadya sa katawhan nianang panahona, sumala ni kapitan Alan Simo-ag.

Segun ni Kapitan Simo-ag, mag-roving ang iyang mga tanod sa tibuok barangay aron mamentinar ang hap-say ug kalinaw sa barangay samtang maglunang sa paglipay sa videoke sa New Year.

Matud ni Simo-ag nga kung makadawat siya og reklamo tungod sa kabanha sa mga magkanta iya gilayon pahunongon ang videoke ug dili na patingugon pa og pag-usab.
Kumbinsido ang kapitan nga dili makapakunhod sa maayong pamatasan sa iyang katawhan ang lampas oras nga pagvideoke sa katarungan nga ka-usa lamang sa usa ka tuig mahitabo ang new year.

Dugang pa sa kapitan nga dili man daw makapakunhod sa maayong pamatasan sa taas nga oras sa pag-videoke kunsiderahon nga selebrasyon sa bag-ong tuig.

RadyoMaN Joel Viray

Facebook Comments