Newly elected Vice Mayor ha Southern Leyte, nagresign

1590

TACLOBAN CITY – Pira la ka semana matapos an eleksyon, nagresign na an bise alkalde han Tomas Oppus, Southern Leyte.

Ginbakante na ni newly-elected Vice Mayor Rey Asterio Tambis an iya pwesto matapos ini magpasabot ha office of the Governor han Southern Leyte nga hiya in ma-resign na tungod han health reasons.


“It is with deep regret that I inform your good office that I would like to resign as Municipal Vice Mayor effective immediately due to health reasons” – VM Tambis

Ha kadugangan nga eksplenasyon, kinahanglan niya nga magpukos ha iya negosyo ha Cebu.

Kukurian hiya nga gampanan an iya trabaho kumo public servant ha Tomas Oppus ngan atimanon an iya negosyo ilabi na nga nagtitinumar hiya han iya maintenance ha sakit nga hypertension.

Gusto man niya nga makapag serbisyo ha publiko pero diri niya akos nga ig sakripisyo an iya kinabuhi.

Mabulig nala hiya ha iba nga pamaagi.

Samtang, huhulton an magigin desisyon han Department of Interior and Local Government (DILG) kun hin-o an malingkod kumo Vice Mayor.

Facebook Comments

From Advertisers