34 ka mga IP’s, nakabalik na sa CDO human ma-rescue sa Bangus Farm sa Pangasinan

25

Nakabalik na sa ilang pinuy-anan ang 34 ka Indigenous People human ma-rescue sa otoridad gikan sa dili maayong panarbaho sa bangus farm sa probinsya sa Pangasinan.

 

Matud ni Ms. Pinky Grace Pareja, ang director sa National Commission on Indigenous People Region-10 nga ang maong mga IP’s naggikan sa tribong Manobo-Pulangihon sa Botong, Quezon Bukidnon.


 

Mitabang sa pag-rescue ang National Commission on Indigenous Persons ug Department of Social Welfare and Development sa National level.

 

Diretso usab nga gihatagan sa 15 ka sakong bugas ang mga IP’s lakip na trabaho alang sa 30 ka tawo gikan sa Department of Labor and Employment.

 

Katorse sa mga na-rescue taga Cagayan de Oro, 9 ang taga San Fernando ug 5 ang taga Quezon Bukidnon.

 

Samtang, mihatag sa 6,500 pesos ang Department of Social Welfare and Development  alang sa pamasahe ug 3,500 isip financial assistance.

Facebook Comments

From Advertisers