Davao City- Dakong dungog alang sa syudad sa Dabaw og mamahimo man nga Presidente sa tuig 2022 si Davao City Mayor Inday Sara Duterte-Carpio.
Sa interbyu sa DXDC RMN Davao kang Rodolfo Te, Brgy. Captain sa Brgy. Daliao Toril, Davao City, sigun niini nga dunay igong katakos ang presenting alkalde sa syudad aron mamuno sa tibuok nasud Pilipinas gani dugang niya nga daghan na sab og posisyon nga naagian ang presidential daughter ayha pa man kini nahimong Mayor ug maayo man sab ang pagdumala niini sa syudad.
Subay kini sa pahayag mismo ni Pres. Rodrigo Duterte kaniadtong Biyernes sa gabii sa Matina Enclaves dinhi sa dakbayan nga buot niya nga si Inday Sara maoy mamahimo niyang manununod kun ‘successor.’
Apan kaganinang hapon, sa dihang nagkuha si Mayor Inday sa iyang Driver’s license card nga dunay 5- year validity sa Land Transportation kun LTO XI, sa interbyu kaniya sa Davao media, nagdumili una kini og tubag kabahin sa nasangpit nga isyu kay sayo pa kuno aron hisgutan ang pulitika ning panahona gani sigun usab niini nga dili siya interesado nga mudagan pagkapangulo sa piniliay sa tuig 2022.
RadyoMan Renz Barbarona
