Gin-anunsyo sang National Food Authbority ukon NFA nga magahalin sa iga-import nga bugas ang igapaguwa sa bulan sang Mayo nga tag-27 kag 32 pesos kada kilo nga bugas nga igapalapta sa mga merkado sa bug-os nga pungsod.
Ini bangud nagahulag na ang proseso sang importasyon sang 250,000 metric tons sang bugas para sa buffer stock sang gobyerno.
Ginpahayag ni NFA Administrator Jason Aquino nga kon matapos na ang proseso tubtub sa pag-award sa winning bidder sang notice to proceed sa Mayo 7, mahimo na masuguran ang shipment sang imported rice sa pungsod.
Pagbanta sang NFA, magalab-ot sang 10 tubtub 15 ka adlaw ang shipment sang bugas antis mag-abot sa pungsod.
(photo from web)
Facebook Comments
