Davao City – Gitin-aw karon sa National Food Authority (NFA-Davao) nga kutob petsa 15 na lamang karong bulan sa Marso ang stock sa NFA rice sa Davao City.
Sa pakighinabi kang NFA-Davao manager Leonila Selpa nasayran nga adunay 10,407 nga sako sa bugas ang nahibilin kanila.
“We are seeking the support of legislators as well as our mayor na mapadali ang supply,” segun ni Selpa.
Gikataho nga mokabat sa 250,000 metric tons ang madawat sa Pilipinas diin 350 bags ang madawat sa Davao City diin magbaton og presyo nga P27.00 matag kilo.
Giklaro sa manager sa NFA-Davao nga matag adlaw nilang ginamonitor ang 210 NFA-accredited outlets dinhi sa syudad aron malikayan ang susamang nahitabo didto sa General Santos City nga pag-rebag kun pag-resack sa mga NFA stocks isip commercial rice variety sulod sa usaka bodega.
“NFA have the visitorial powers sa pag-inspect sa mga bodega,” sumala ni Selpa.
Dugang ni Selpa nga sa bulan sa Hunyo 2018 pa ang re-stocking sa supply sa NFA apan naneguro sila pinaagi sa ilang administrador nga si Jason Aquino nga mapadali ang supply niini.
RadyoMaN Jason Amisola
