Davao City – Giklaro karon sa National Food Authority (NFA) nga gi-hold ang importasyon sa supply sa NFA rice gumikan gamay na lamang kini maoy hinungdan nga adunay mga lugar nga kulang ang supply niini.
Sa pakighinabi kang NFA Asst. Manager Elaine Respecia sa programang ‘Straight to the Point,’ gibutyag niini nga gi-hold sa NFA Council ang distribusyon sa 250,000 metric tons sa maong stocks gumikan sa pipila ka mga rason.
“Ang rice industry as a whole, daghan man gud inventory – household, commercial ug NFA. It’s only the NFA part ang gamay nalang,” pagpasabot ni Respecia.
Dugang sa NFA assistant manager nga adunay gihatag nga 30,000 ka mga bags alang sa mga retailers nga anaa sa palengke sa matag semana.
Kalabutan sa presyo sa NFA rice, aduna pay tag P35 per kilo nga ginabaligya karon kun itandi kaniadto.
Gi-awhag ni Respecia ang katawhan nga dili mag panic ug giseguro nga aduna nay aksyon nga gihimo gibuhat ang NFA Central Office kalabutan sa pagkunhod sa supply niini.
RadyoMaN Jason Amisola
