General Santos City–Buot karon ni Gensan City Councilor Atty. Edmar Yumang nga maablihan sa konseho ang hisgutanan may kalabutan sa modus operande sa mga rice trader nga naga-rebag ug mga bugas nga NFA aron ibaligya isip commercial rice.
Kini human nga natigayon ang pag-raid sa National Bureau of Investigation (NBI) sa usa ka bodega sa may diversion road sa Gensan sa diin ilang naaktohan nga dunay nahitabong rebagging sa mga bugas nga NFA aron himuong commercial nga bugas.
Matud ni Yumang nga ayha pa man natigayon ang maong raid una na nilang napatawag sa konseho ang mga personahe sa NFA ug gipangutana bahin sa kahimtang sa pondo sa bugas. Apan kurat nalang ang konsehal dihang iyang nasayran nga dunay gahitabong rebbaging sa bugas.
Sa pagka-karon iya pang ginapaabot ang mahimong aksyon ni Kagawad Odjoc Acharon Chairman sa Consumers Welfare sa konseho kung ipatawag ba subli niini ang mga personahe sa NFA lakip na ang nalambigit nga mga rice traders. (Jordan Britos)
(PHOTO FROM WEB)
