Davao City – Mi-abot niadtong adlawng Martes sa buntag sa Sta. Ana Wharf ning syudad ang duha ka vessel nga gibutangan og NFA nga bugas gikan sa nasud Vietnam.
Kini mao ang gibutyag ni National Food Authority-Davao region (NFA-XI) Asst. Regional Director Ellaine Respecia atol sa interbyu sa DXDC Davao ngadto kaniya.
“Naay 150,000 bags at present nga gina-unload namo unya naa tay naka anchor dinhi sa Sta. Ana Wharf nga 250,000 bags,” saysay niini.
Pagpasabot ni Respecia nga dinhi usab magkuha og supply sa NFA ang General Santos City diin ipang-apod-apod usab kini sa Mati, Davao, Comval, Digos, Tagum ug uban pa.
Samtang gipaniguro sa assistant regional director sa NFA nga adunay igong supply sa bugas karon sanglit aduna usab miabot nga commercial rice sa bulan sa Enero karong tuiga.
Nasayran nga hangtod second quarter ang supply sa NFA rice nga miabot.
RadyoMaN Jason Amisola
