General Santos City—- Mukabat nalang sa 1, 137 ka sako sa NFA rice ang nahibilin sa bodega sa NFA Sargen. Ang maong mga bugas ang alang nalang sa mga posibleng request sa mga lokal nga panggamhanan ug uban pang ahensya sa gobyerno sama sa BJMP kung asa gikan sa ihap, kuhaon pa kini ug 300 ka sako alang sa BJMP Sarangani ug Gensan nga nauna ng bayaran. Gawas pa sa 95 ka sako nga kuhaunon nga alang sa usa ka accredited retailer sa NFA gikan sa Sarangani nga wala pa makakuha alang sa usa ka semana niining ibaligya. Ang nahibilin matud pa ang dili na gyud mamahimo nga ma-distrube alang sa mga retailers gumikan sa kulang nga suplay. Sumala kang Diane Silva, Regional Director sa NFA Region XI nga hangtud nalang gyud karong semanaha ang maong mga NFA rice ug sulod sa tulo ka bulan, walay NFA rice nga mabaligya gumikan hunyo pa ning tuiga muabot ang bugas nga gi-import.
