Bukas sa subong ang pito ka buying stations sang National Food Authority ukon NFA South Cotabato sa banwa sang Banga, Surallah, Sto. Nino, Tantangan kag dire sa syudad sang Koronadal agud nga mamakal sang produkto nga palay sang mga mangunguma dire sa probinsya sa presyo nga P19 kada kilo.
Suno kay NFA Provincial Manager Nelson Sanada target nila nga makamakal sang 110 thousand bags sang produkto nga palay sang mga mangunguma dire sa probinsya tubtob sa bulan sang Disyembre subong nga tuig.
Sarang lamang suno pa nga dal-on sang mga mangunguma sa pagdeliver sang ila produkto amo ang sample sang ila palay, certification halin sa municipal agriculturist office nga nagapamatuod nga mangunguma gid sila sa lugar kag passbook.
Samtang ginsiguro ni Sanada nga baklon gid sang ahensya ang ideliver nga palay sang mga mangunguma basta dry lang suno pa.
Aminado man siya nga nagbagsak sa subong ang buying price sang palay dire sa probinsya tungod yara na lang sa P12.00 tubtob P13.00 kada kilo.
