NFA South Cotabato nagapadayon ang rice distribution sa mga merkado sa probinsya, NFA rice nagapabilin sa P27.00 kada kilo.

Nagapadayon suno kay National Food Authority ukon NFA Provincial Manager Jasmine Lintag ang rice distribution sang ila talatapan sa mga merkado dire sa probinsya sang South Cotabato.
Samtang sa subong suno pa imported rice ang ila nga ginasupply sa mga merkado nga base sa ila nga inventory magadugay tubtob sa bulan sang Agosto subong nga tuig ang ila nga supply.
Apang sa tion nga maubos may-yara man sang local rice sila nga ipaggwa matapos nga madamo man suno pa sila sang naprocure nga subong lang nga bulan nagalab-ot sa three thousand bags kag ang nauna nila nga naprocure ang ginbalhin sa bodega sang regional office sa syudad sang Tacurong.
Ginpahayag man ni NFA Provincial Manager Lintag nga nagapabilin sa P27.00 kada kilo ang presyo sang ginabaligya nila nga bugas kag magapadayon suno pa ang pagbaligya sang ahensya sang barato nga bugas base sa pahayag ni Presidente Rodrigo Duterte.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>