Nagbukas na sang buying station ang National Food Authority ukon NFA South Cotabato sa pipila ka mga banwa dire sa probinsya para sa nagapadayon nga procurement operation sa produkto nga palay sang mga mangunguma.
Sa subong suno kay NFA Assistant Provincial Manager Max Masa nauna nila nga ginbuksan ang buying station sa banwa sang Norala tungod nagaumpisa na ang harvest kag dire sa syudad sang Koronadal ang permanente man suno pa nga bukas, samtang ang sa iban nga banwa ang handa naman suno pa ang ila nga buying stations.
May-angot sini, ang sarang lamang nga himuon sang mga mangunguma nga luyag magdeliver sa NFA sang ila nga produkto nga palay ang magkuha lang sang certification sa barangay ukon sa Municipal Agriculture Office, Department of Agrarian Reform kag NIA.
Ginkumpirmar man ni Masa nga nagalab-ot sa P20.000 lakip na ang insentibo ang buying price sang NFA sa palay.
Ginaekspektar nila suno pa nga sa katapusan sang Setyembre tubtob Oktubre subong nga tuig ang pick sang harvest sa produkto nga palay dire sa probinsya.
