Todo sa gihapon ang ginahimo nila nga pagpamakal sang produkto nga palay sang mangunguma sa mataas nga buying price, suno kay National Food Authority ukon NFA Provincial Manager Jasmin Lintag.
Nagapabilin naman suno pa nga bukas ang ila nga mga buying stations sa banwa sang Surallah, Norala kag Banga kag sa subong nagapadulong na sila mismo sa irrigation association drop points agud nga direkta na nga baklon ang produkto sang mga mangunguma.
May-angot sini, suno kay Manager Lintag nagalab-ot na sa masobra 8,500 bags ang ila nga naprocure.
Sa subong base sa ila nga monitoring amat-amat na nga nagataas ang buying price sang palay dire sa probinsya tungod nagalab-ot na sa masobra P16 tubtob P17 kada kilo ang wet.
Facebook Comments
