Ang Friday the 13th ginapatihan na sang kadam-an nga dimalas.
Subong nga 2017, may duha ka Friday the 13th, subong nga adlaw, Oktubre 13 kag sang nakaligad nga Enero 13.
Suno sa mga Psychologists, ang kahadlok sa Friday the 13th ginatawag man nga paraskavedekatriaphobia.
Sa Da Vinci Code ni Dan Brown, Friday the 13th sang ginpatay si Templar Grand Master Jacques de Molay sadtong 14th century. Ginsumpa sini ang Santo Papa kag ang Hari sang France kag ini ang nagpalapta sang kadimalas santo sa ila pagpati.
Mahimo man nga ang libro ni Thomas W. Lawson nga “Friday, the Thirteenth” amo ang nag-impluwensya sa mga tawo agud magpati sa superstition.
Ginakabig man nga dimalas ang 13 bangod si Judas ang ika-13 nga guest nga nagpungko sa lamesa sa tion sang Last Supper kag amo man ang nag-betray kay Jesus.
Base sa sina-una nga panahon, ginapatihan nga ang 12 amo ang numero nga nagasimbolo sang pagkakumpleto (12 months of the year, 12 gods of Olympus, 12 hours of the clock…) gani ang 13 nga nagasunod diri amo ang ginakabig nga awas lang kag dimalas nga numero.
Sa imo pagpati, dimalas gid man bala ang Friday the 13th?
