Infidelity. Suno sa dictionary, “The action or state of being unfaithful to a spouse or other sexual partner.” Magastos ang ini nga butang – personally, financially kag socially – pero padayon ini sa gihapon nga gakatabo. Sa pinaka-ulihi nga research sang University of Maryland Department of Psychology, ginlista nila ang mga nagapanguna nga mga rason kun ngaa gapang-into ang isa ka tawo.
Ginpangunahan sang UMD ang ini nga pagtuon nga gin-publish sa Journal of Sex Research nga gintun-an ang 562 ka mga indibidwal nga nag-aku nga nangin ‘unfaithful’ sila samtang yara sa isa ka romatic relationship. Matapos sila magsabat, yari ang mga nangin rason sang mga respondents.
1. ANGER. Kaakig bangud gusto magbalos sa pagpang-into man sang iya nga partner.
2. SEXUAL DESIRE. Unsatisfied sa ‘sex’ factor sang relasyon kag luyag nga magtilaw sang bag-o.
3. LACK OF LOVE. Nadula-an na sang luyag sa iya partner ukon na-‘fall out of love’.
4. NEGLECTED. Wala gakakuha sang partner ang nagakaigo kag deserve nga pagpalangga, respeto kag atensyon.
5. LOW COMMITTMENT. Indi committed ang isa sa ila nga duha.
6. SITUATION. Ang mga sitwasyon nga yara na sa guwa sa kontrol sang duha.
7. ESTEEM. Gusto panindugan ang self-worth pinaagi sa pakighilawas sa iban nga indibidwal.
8. VARIETY. Gusto maka-experience sang ‘sex’ sa lain-lain nga tawo.
First published by University of Maryland
Photo by Love Dignity
