ILIGAN CITY- Laing school building na usab ang gi-turn-over kagahapong adlawa sa National Grid Corporation of the Philippines kun NGCP didto sa Dalamas Elementary School sa barangay puga-an.
Kini na ang ikatulong tunghaan nga gitunol karong tuiga sa NGCP.
Matud ni Engr. Avelino Dawis head sa District 2 Operations and Maintenance sa NGCP nga kabahin sa ilang Corporate Social Responsibility kun CSR ang pagpanghatag sa susamang klase sa panginahanglanon sa tunghaan.
Kini isip balos nila sa komunidad sa maong lugar kun asa nagkutay ang ilang mga linya sa kuryente.
Gidawat sa mga magtutudlo, tinun-an ingon man school principal lakip ang mga opisyal sa barangay pinanguluhan ni Pugaan Barangay Kapitan Maris Amit ang pormal nga pag-turn-over sa nasangpit nga school building.
Facebook Comments
